Yours Truly iFM
March 15, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Tope, pamilyado kag isa ka mekaniko.
May kaya ang pamilya sang akon asawa mga bestfriends. Pero ginpakigbato niya gid ako sa iya pamilya bisan mekaniko ako kag high school graduate lang ang natapos.
Sang nagligad nga Disyembre may class reunion ang ang akon asawa kag iya mga batchmates. Nakita niya maayo mga pangabuhi sang iya mga batchmates kay puro sila mga professionals kag amo man ang ila mga partners.
Ang problema kay sumugod sadto, pirmi niya na ako ginaaway. Pirmi niya ginakumpara ang amon pangabuhi sa pangabuhi sang iya mga batchmates.
Naugot ako mamati mga bestfriends.
Ano ang maayo ko himuon?
Yours Truly,
Tope
