Yours Truly iFM March 19, 2021

Yours Truly iFM March 19, 2021 With iDol Julee Strawberry And iDol Bruno Banana (Photo from web/No Copyright Infringement)
Dear iFM,
Maayong hapon mga iDol Julee & iDol Bruno! Gusto ko i-share angakon heartache subong. Lihog tawga nyo ako kay Badong isa ka driver sang motorsiklo sa isa ka banwa diri sa probinsya sang Iloilo.  Kalasalon na kun tani kami sang nobya ko sini nga Mayo mga iDol pero sa kamalason na disgrasya ako sa motor sang January kagindi maayo ang akon nangin kahimtangan. Na-fractured ang akon wala nga batiis kag butkon, indi na ako makalakat kun wala sang saklay.  Sugod sang nadisgrasya ako naglas-ay man ang nobya ko sa akon. Wala na sya nagakadto sa balay kun indi pa ako makitluoy sa iya.Indi ko na mabatyagan nga naga care pa sya sa akon. Kun istoryahon ko nagahibi lang sya.  Pamangkot ko sa inyo mg iDol, ano sa pagtan-aw nyo na dismaya na ayhan sya sang sitwasyon ko? Bulagan ko na lang bala sya para maka kita sya sang lalaki nga mas deserving para sa iya kay inutil na ako?
Yours Truly,
Badong