Yours Truly iFM
March 23, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon sa inyo nga duha kag sa tanan nga mga tagpalamati sang inyo programa.
May problema ako nga gusto ko gid pangayuan sang advice sa inyo.
Ako gali si Princess mga bestfriends. Halin sang bata pa ako, wala ko gid nakita ang akon amay. Iloy ko lang ang nagpadaku sa akon.
Isa ka seaman ang akon amay kag kilala ko siya mga bestfriends. Gusto ko tani siya ma-meet pero indi magpasugot ang akon iloy. Ang matuod nga istorya mga bestfriends, may pamilya na ang akon sang nagbusong ang akon iloy sa akon.
Two (02) years ago, napatay si nanay sa sakit nga breast cancer.
Nabalitaan ko nga diri na si tatay ga-permanente sa Iloilo kag nag-untat na siya sakay. Gusto ko gid tani nga ma-meet siya nga bestfriends kag magpakilala sa iya.
Ensakto bala ang himuon ko?
Yours Truly,
Princess
