Yours Truly iFM
May 03, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon sa inyo tanan mga bestfriends!
Ako gali si Sylvia kag may problema ako nga gusto ko gid pangayuan sang advice halin sa inyo kag sa inyo mga tagpalamati.
Ang akon bana tricycle driver kag may ara kami siyam ka mga kabataan.
May amiga ako nga mayo ang pangabuhi kag kapitan ang iya bana sa barko pero wala sila sang bata. Naghambal sila nga ma-adopt sila sang bata kag gusto nila ang amon isa ka tuig nga bata.
Galibog ang ulo ko mga bestfriends kay daw gusto ko man tani kay naka siguro ako nga mahatagan gid sang mayo nga buwas-damlag ang amo nanak. Galing galain gid buot ko nga ipanghatag ang akon anak. Bisan ang akon bana indi man magpasugot kay bisan pigado lang kami, ang importante nga ululupod kami.
Ano ang himuon ko?
Yours Truly,
Sylvia
