*Yours Truly iFM*
*May 27, 2020*
*With RadyoMaN DJ Kat And RadyoMaN Bruno Banana*
*(Photo from web / No Copyright Infringement)*
Dear iFM,
Maayong hapon sa inyo tanan mga bestfriends!
Ako gali si Michelle, isa ka college student.
Tungod wala pa sang klase, ari lang ako sa balay subong kag gabulig kay mama bantay sang amon tiyangge.
Separated na ang akon mga parents mga bestfriends. Si mama na lang ang gasagod sa amon tanan nga mag-ulutod kay wala man nagahatag suporta ang amon amay.
Ang problema ko subong parte sa bag-o nga karelasyon ni mama. Diri na nagaistar sa amon balay ang bag-o niya nga karelasyon kag galive-in na sila.
Ang indi ko lang magsustuhan kay pirmi sila naga-inaway kag pirmi pa gid ila naga-singgitanay. Isa ka beses nakita ko nga ginhanaan niya nga sakiton si mama.
Nagaka-trauma na ang akon manghod mga bestfriends tungod sang ubra nila.
Kapila ko na ginhambalan si mama nga bulagan na ang iya karelasyon pero wala man siya nagapamati sa akon.
Ano ang maayo ko nga himuon mga bestfriends?
I need your advice.
Yours Truly,
Michelle
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
