*Yours Truly iFM*
*November 06, 2020*
*With iDol DJ Kat And iDol Bruno Banana*
*(Photo from web / No Copyright Infringement)*
Dear iFM,
Good afternoon mga idol!
Tagu-a niyo lang ako sa pangalan nga Mona, 29 years old kag taga-San Miguel, Iloilo.
Ang problema ko mga idol parte sa akon ex-boyfriend. Masakit man mga idol pero natuntohan niya gid ako. Halos naubos ang sinuptan ko sang naga-trabaho pa ako sa abroad tungod sa iya.
Pirti gid kasakit sang akon nabatyagan mga idol. Ginhatag ko ang tanan sa iya kay nagpati gid ako sa hambal niya nga palangga niya ako.
Nakipag-break ako sa iya kay pirmi lang kami nagainaway. Masami nga ginahalinan sang amon away ang pagka-palahubog niya. Ang masakit pa gid kay kung indi ko mahatag ang iya gusto, ginaaway niya ako kag ginahambalan sang mga masakit nga mga tinaga.
Before kami nag-break, ginbaklan ko siya sang motor. Kag daw wala man lang siya nahuya nga isa pa lang kami semana nga nag-break, may nakakita sa iya nga naga-motor kag may naga-angkas nga iban nga babaye.
Feeling ko daw gingamit niya lang ako mga idol. Stressed kag depressed gid ako subong.
Ano ang maayo ko nga himuon?
Yours Truly,
Mona
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM Iloilo*
