Yours Truly iFM
November 07, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon sa inyo mga bestfriends!
Pareha sang iban, may problema man ako nga gusto ko gid pangayuan sang advice halin sa inyo.
Tawga niyo lang ako kay Nimfa, 36 years old kag may bana kag mga kabataan.
Ang problema ko mga bestfriends parte sa akon bana. Pirti sa iya palahubog kag mahilig sa barkada.
Naghalin kami sang amon mga kabataan sa balay kay indi na gid ako kaaguwanta sa iya batasan kag gusto ko man siya hatagan sang leksyon.
Sang nagligad nga adlaw, nanawag ang akon bayaw kay naospital kuno ang akon nga bana kag na-diagnosed nga may liver cirrhosis. Ginlihog niya ang iya utod nga manawag sa akon kay gusto niya kuno kami makita sang mga kabataan.
Daw gusto ko man tani siya bisitahon pero gapangibabaw gihapon ang kaakig ko sa iya.
Ano ang maayo ko nga himuon? Kinahanglan ko gid ang inyo advice.
Yours Truly,
Nimfa
