Yours Truly iFM November 13 Friday

20

Yours Truly iFM November 13, 2020 Friday Dear iFM, Good afternoon mga idol! Tawga niyo lang ako kay Ronilo sang Molo kag naga-trabaho bilang isa ka salesman. Nagsulat ako sa inyo mga idol kay nagasakit ang dughan ko manumdom sang sitwasyon namon sang akon girlfriend. Ga-plano na tani kami magpakasal mga idol bisan sa huwes lang. Ang problema kay indi magsugot ang iya mga ginikanan kag mga utod. Gusto gid nila sang engrande nga kasal. Gustuhon man namon sang nobya ko mga idol pero indi gid enough ang savings namon nga duha. Ga-demand sila pero indi man sila willing magbulig. Ang masakit pa gid kay ginapabati-batian pa ako sang mga masakit nga mga istorya sang iya pamilya kung mamasyar ako sa ila balay. Indi ko maintindihan mga idol kag ka-disappointing lang panumdumon kay naga-expect gid ako nga maintindihan nila ang amon sitwasyon tungod nag-umpisa man sila sa pigado. Kung kaisa nagapamumdom na lang ako nga bulagan na lang ang akon girlfriend. Tama bala ang himuon ko mga idol? Kinahanglan ko gid ang inyo advice. Yours Truly, Ronilo

Facebook Comments