Yours Truly iFM November 24 Tuesday

13

*Yours Truly iFM*
*November 24, 2020*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,


Maayong hapon mga idol!

Ako gali si Ronald, 30 years old kag taga-Oton kag isa ka sa security guard.

Nagsulat ako sa inyo kay may problema ako parte sa akon live-in partner. Ginpa-summon niya abi ako sa amon barangay kay ginasakit ko siya kuno.

Nakibot gid ako mga idol kay indi ina matuod. Galain gid ang buot ko kay ginahimuan niya ako sang sala nga wala ko nahimo. Natingala man gani ako nga wala na siya gapauli sa balay kag wala niya man ginasabat ang akon mga tawag.




Sa pito namon ka tuig nga pag-updanay mga idol wala gid ako sang madumduman nga ginsakit ko siya o ginpadapatan sang akon mga kamot. Ginahimo kag ginahatag ko man ang tanan para sa iya. Kapila ko na gani siya ginpasaylo sang nahibal-an ko may ara pa gid siya nga iban maluwas sa akon.

Indi ako kabalo sang himuon ko mga idol.

Kinahanglan ko gid ang inyo advice.

Yours Truly,

Ronald

*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM Iloilo*

Facebook Comments