Yours Truly iFM
November 27, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Good afternoon mga bestfriends!
Pirmi gid ako nagapamati sa inyo programa sang dira pa ako sa Pilipinas. Kag subong nagapamati man gihapon ako sa inyo paagi sa internet kay amo lang na ang lingaw samtang diri ako sa Kuwait nagaubra bilang isa ka domestic helper.
Ako gali si Christina kag nagpadala ako sang sulat sa inyo kay may problema man ako nga gusto ko pangayuan sang advice halin sa inyo kag sa mga tagpalamati sang inyo programa.
Pirti gid kadaku sang akon problema subong kay nadiskubrehan ko nga gin-prenda gali sang akon bana ang amon balay kag lote kag dali na lang ma-remate. Ginpabalo ako sang akon utod parte sa ginhimo sang akon bana.
Nalulong abi siya sa casino kag sugal nga bulang.
Nagalalain ako kag nagasala ako pangita sang hulaman balor P300, 000.00 para magawad ko ang amon balay kag lote.
Wala naman ako gapadala sang kuwarta sa iya kay ginasugal niya man lang kag ginapabay-an niya ang amon mga kabataan.
Indi ako makatulog panumdom kung ano ang himuon ko mga bestfriends.
Kinahanglan ko gid ang inyo advice.
Yours Truly,
Christina
