Yours Truly iFM November 3, 2021

Yours Truly iFM November 3, 2021 With iDol Julee Strawberry And iDol Bruno Banana (Photo from web/No Copyright Infringement)
Dear iFM,
Hello iDol Julee & iDol Bruno!
Please call me Chariz, 37years old kag wala sang bana. Reason why wala ako nagpamana tungod nga 5 ka beses ako napaslawan sa mga lalaki ga gin- palangga ko.
Sa mga nangin boyfriend ko nadali ako sang panglima. Sya gid ang lalaki nga gin-surrenderan ko sang akon bandera kay naglaum ako nga sya na ang forever ko.
Apang ang forever ko nangin never. Naglakat sya sa abroad 1 month after nga may natabo sa amon kag wala sya makahibalo nga nagbusong ako.
Ginplano ko man nga isugid sa iya apang ginpunggan ako ni Nanay sang nahibaluan namon nga ang rason gali kun ngaa nagpa-abroad sya tungod may asawa sya didto.
Instead, gin-adopt sang akon parents ang akon anak para itago ang natabo sa akon. Subong 10years old na ang akon anak nga lalaki pero ang pagkabalo nya magulang nya ako.
Although mga iDol nga upod man kami kag wala man sya ginapabay-an sang parents ko pero nasakitan ako.
Question ko mga iDol, should i live with this secret hasta nga indi ma-discover sang bata ang kamatuoran? or amat-amaton na namon sugid sa iya?
Yours Truly,
Chariz