Yours Truly iFM November 9, 2021 With iDol Julee Strawberry And iDol Bruno Banana (Photo from web/No Copyright Infringement)
Dear iFM,
Maayong adlaw sa tanan especially to you iDol Julee & iDol Bruno Banana.
Lihog tawga nyo lang ako kay Nanay Landa sang Barotac Viejo. Isa ako ako ka house wife kag may gamay nga grocery store. Ang akon bana isa ka government employee. Tatlo kabilog ang amon kabataan.
Sa 3 tatlo sa ila ang kamanghuran gid ang black sheep. Bisan ano himuon ko nga pagbantay sa iya nagapangita gid paagi nga makagwa sa balay agud makigkita sa nobyo nya.
May bata gid nga bisan anhon mo sang disiplina may ara gid kina-iya. Tungod sang pagkasaway nya nagbusong sa edad nga 14-anyos. Ginapamangkot ko ang akon kaugalingon kun diin ako ang kulang.
Sa sobra namon nga kaakig ni Tatay nya ginpalayas namon agud matagaan sang leksyon. Nakita ko ang iya sitwasyon sa balay sang nobyo nya tama ka makaluluoy sa iya.
Mga iDol gusto ko sya buligan pero indi luyag ang bana ko. Ano ang himuon ko kay indi ako makatulog maayo sang panumdom sa anak ko?
Kabay pa mahatagan nyo ako advice.
Yours Truly,
Landa
– – – –
