Yours Truly iFM
October 09, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Good afternoon mga bestfriends!
Pirmi gid ako nagapamati sa inyo live streaming diri sa abroad.
Ako gali si Myrna kag listener niyo gid ako humalin pa sang una sang dira pa ako sa Pilipinas kag hasta subong nga diri na ako sa abroad.
Nanugid ang akon anak nga may kerida ang akon bana. Ginkompronta ko ang akon bana pero indi siya mag-ako. Pero maluwas sa akon anak, gapanugid man ang akon mga kautoran.
Indi komporme ang akon bana nga maglakat ako sa abroad. Pero naglakat gid ako kay kabudlay na sang amon pangabuhi kag daku na sang amon galastusan kay manug-college na ang amon anak. Amo gani nga ang duda ko basi gabalos lang siya sa akon kay gintuman ko gid ang akon gusto.
Ga-plano ako nga magpauli para tukibon gid ang kamatuoran.
Ang problema ko mga bestfriends kay isa pa lang ako ka tuig diri sa abroad.
Ano ang maayo ko nga himuon?
Yours Truly,
Myrna
