Yours Truly iFM October 1, 2021 With iDol Julee Strawberry And iDol Bruno Banana (Photo from web/No Copyright Infringement)
Dear iFM,
Maayong hapon sa tanan ilabi na gid sa inyo iDol Julee kag iDol Bruno.
Ako si Niña 17years old pero may ara na sang 2year old baby girl. Isa ako sa mga teenagers nga nangin tig-a ulo kag nagpabaya sa akon pag-eskwela, wala nagpati sa ginikanan kag kaugalingon lang nga kalipayan ang ginhatagan sang importansya. Ang resulta sa edad nga 15 nangin Nanay na ako.
Ginsikway ako sang akon pamilya kag didto ko na realize ang tanan. Wala na ako sang mahimo kundi maghilibion sa paghinulsol sang wala na gid ako sang madalagan agud ibakal sang mga kinahanglanon namon sang anak ko.
Sa kaluoy ni Lord may mag-asawa nga nagsapupo sa akon. Kabaylo sang pagtrabaho ko sa ila balay pa-eskwelahon nila ako kag sila na ang bahala mag-provide sang needs sang anak ko.
Ugaling sang sini lang gin-istorya ako sang mag-asawa nga gusto nila i-adopt ang anak ko kay wala sial sang baby girl.
Napaisip ako mga iDol nga kun ihatag ko si baby sigurado nga mangin maayo ang iya future tungod nga maayo ang pangabuhi sang mga amo ko. Pero ang akon balatyagan bilang Nanay ang nagapugong nga indi ako magpasugot sa gusto sang amo ko.
Mga iDol buligi nyo man ako kun ano ang maayo himuon.
Salamat iFM!
Yours Truly,
Niña
