Yours Truly iFM October 13 Tuesday

12

*Yours Truly iFM*
*October 13, 2020*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,

Maayong hapon mga idol!

Tawga niyo lang ako kay Pinky, 36 years old, may bana kag tatlo ka mga kabataan kag nagapuyo diri sa Pavia, Iloilo.

Ang problema ko mga idol ang akon bana. Sang bag-o pa lang kami maayo man ang amon pag-upod. Pero samtang nagadugay kag sang nag-tatlo na ang amon kabataan, naglain na ang iya batasan.

Gamay ko lang nga sala mga idol ginasakit niya ako. Galain ang buot ko kag indi ko maintindihan kay ginahimo ko man ang tanan para sa iya kag para sa amon pamilya.

Naglab-ot na sa pamahog nga patyon niya kuno ako mga idol. Sa kahadlok ko, nanugid na ako sa akon isa ka utod didto sa Mindanao. Ginhambalan niya ako nga kuhaon niya kami diri sang mga bata kung magtawhay na kag kung matapos na ining pandemic.




Pero indi na gid ako kaaguwanta mga idol. Napanumdom ko nga basi indi na ako maabtan sang akon utod nga buhi kung magapabilin gihapon ako sa balay upod ang akon bana.

Ano ang maayo ko nga himuon mga idol.

Kinahanglan ko gid ang inyo advice.

Yours Truly,

Pinky

* Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*

Facebook Comments