Yours Truly iFM October 14, Monday

17

Yours Truly iFM
October 14, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)

Dear iFM,


Good afternoon mga bestfriends!

Ako gali si Kristine kag may problema ako nga gusto ko gid pangayuan sang advice sa inyo.

Ang problema ako parte sa akon mga ginikanan. Nagbulagay sila tungod nangerida ang akon amay.

Grabe gid ang kaugot ni mama kay papa kag ginabawalan ako ni mama nga mag-communicate kay papa.

Pero indi gid malikawan kay kung kaisa nagapanawag si papa para mangumusta sa akon. Indi man ako gusto nga indi magsabat sa iya tawag kay tungod bilang amay wala niya man ginatalikdan ang iya responsibilidad sa akon.

Nakulbaan ako kay basi mahibal-an ni mama kag maakig siya sa akon.

Indi man perpekto ang akon parents mga bestfriends pero pareho ko sila nga palangga kag ginarespeto. Gani indi ko gid gusto nga may isa ila ang maaakig sa akon.

Nagalibog ang ulo ko. Ano ang maayo ko nga himuon?

I need your advice.

Yours Truly,

Kristine

Facebook Comments

From Advertisers