Yours Truly iFM
October 17, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Pirmi gid ako nagapamati sa inyo sa istasyon samtang nagabantay sang akon tiyangge kag nagapatulog sang akon bata.
Ako gali si Delia kag ang problema ko parte sa akon iloy nga nagamasakit. Na-stroke ang akon iloy mga bestfriends. Kapila ko naman siya ginpa-doctor pero wala gid naga-improve ang iya sitwasyon.
Ang gina-problema ko pa gid subong kay indi pa gid siya magtumar sang bulong kay wala man siya kuno nagaayo.
Ginhambalan man ako sang akon mga utod nga pabay-an ko na lang si nanay kung ano ang iya gusto. Pero indi ako komportable kay indi ako gusto nga may matabo nga malain kay nanay.
Ano ang maayo ko mga bestfriends?
Yours Truly,
Delia
