Yours Truly iFM
October 25, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Ako gali si Raffy kag pirmi gid ako nagapamati sa inyo programa.
Ang problema ako kay may napabusong ako mga bestfriends. Ginaako ko wala ako sang tinapusan kay pobre lang ang amon pamilya. Pero ang mapabugal ko lang nga mapisan ako kag wala ako sang ginapili nga ubra basta makuwartahan lang.
Disgusto gid ang ginikanan sang akon nobya sa akon kay hamak lang kuno ako nga sikad driver.
Nadismaya gid abi sila sa akon kay nagbusong ang akon nobya sang naga-eskuwela pa siya kag wala nakatapos sa iya kurso nga education.
Ginsulong ako sang iya iloy kag ginhambalan nga indi na pag-istorbohon ang akon nobya kag indi kuno nila ako ipakilala sa akon anak nga ako ang iya amay.
Pirti gid kasakit sang akon nabatyagan mga bestfriends. Pamatyag ko daw wala ako pulos kag wala sang bili nga klase sang tawo.
Nagalibog ang ulo ko kung ano ang himuon ko.
Ano ang maayo ko nga himuon?
Yours Truly,
Raffy
