*Yours Truly iFM*
*October 26, 2020*
*With iDol DJ Kat And iDol Bruno Banana*
*(Photo from web / No Copyright Infringement)*
Dear iFM,
Good afternoon mga idol!
Nahuya tani ako magsulat sa inyo kay tama gid ka sensitibo ang akon problema pero wala na gid ako sang masugiran mga idol.
Bag-o ko ipadayun ang akon sulat, ako gali si Tin-tin sang San Miguel mga idol. Mapati kamo kag sa indi, sa edad nga 25 years old, lima na ang akon anak mga idol. Pirti abi ka mahilig ang akon bana. Siguro nakahangop na kamo sang buot ko silingon mga idol.
Wala siya pakialam kung wala ako sa kondisyon. Bisan may sakit ako kung gusto niya, gusto niya gid. Ang masakit pa gid mga idol kay indi ako puwede mangindi sa iya labi na gid kung hubog siya.
Bilang asawa, may katungod bala ako nga mangindi kag magreklamo mga idol? Palangga ko ang akon bana kag mga kabataan mga idol. Pero kung kaisa gaabot sa punto nga pamatyagan ko daw ginaabuso na ako sang akon bana.
Ano ang maayo ko nga himuon mga idol.
Kinahanglan ko gid ang inyo advice.
Mahulat gid ako mga idol.
Yours Truly,
Tin-tin
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
