Yours Truly iFM October 28 Wednesday

14

*Yours Truly iFM*
*October 28, 2020*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,


Maayong hapon mga idol!

Ako gali si Linda, 50 years old kag taga-Jaro, Iloilo City.

Mga idol, nagsulat ako sa inyo kay may problema ako parte sa akon anak nga babaye nga gusto ko gid pangayuan sang advice halin sa inyo.

May bana na ang akon anak kag duha na ang ila anak mga idol. Udto na kung magmata ang akon anak gani ako na ang nagaasikaso sang iya mga kabataan. Ako man ang nagapanglimpyo sang balay kag nagapalamalengke kag nagaluto kay kung siya lang ang akon saligan, mapatay kami tanan sa gutom.




Sa edad ko mga idol madamo naman ako sang ginabatyag sa akon lawas.

May trabaho man ang iya bana kag bastante man ang iya income pero wala gid sila nagahatag para idugang sa inugbayad sa mga bills diri sa balay. May ara man sila balay nga puwede istaran pero diri gid nila gusto magdasok sa balay.

Nabudlayan pa gid ako kay ato sa Saudi ang akon bana nagatrabaho. Indi man ako gusto isugid sa iya ang akon problema kay basi maistorbo ang iya trabaho.

Ano ang maayo ko nga himuon mga idol?

Kinahanglan ko gid ang inyo advice.

Yours Truly,

Linda

*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*

Facebook Comments