Yours Truly iFM October 6, 2021 With iDol Julee Strawberry And iDol Bruno Banana (Photo from web/No Copyright Infringement)
Dear iFM,
Maayong adlaw mga iDol! Kabay pa nga ara kamo sa maayong lawas iDol Bruno kag iDol Julee.
Palihog itago nyo lang ako sa ngalan nga Len-len, 15anyos sang probinsya sang Iloilo.
Pigado katama ang akon pamilya kag bisan ano ka budlay nagatinguha gid ako nga maka eskwela. Si Nanay ko may TB tapos ang Tatay ko palahubog nga driver sang trisikad.
Bisan may balatian si Nanay sige sa gihapon ang panglabada nya para makabulig sa mga galastusan.
Ako kag ang mga manghod ko nga 4 kabilog naga pang-scrap kag kun anu-ano na lang nga pwede namon pagkakitaan. Tapos sa gab-i naga sabat kami sang amon modules.
Masakit batyagon nga makita ako sang mga classmates ko naga saramihay. Indi hamak nga pang-bully ang ako naagum kag hasta subong gina agwanta ko lang.
Tungod sang pangyaguta sa akon gusto ko magbalos. Gusto basulon ang amay ko nga iresponsable. Paano na lang kami kun wala na si Nanay? Paano na lang ang amon future sang mga utod ko?
Gusto ko makabati sang laygay nyo sa kahanginan.
Yours Truly,
Lenlen
