Yours Truly iFM
October 07, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Tawga niyo lang ako kay Cedrick, may asawa kag mga kabataan.
Isa ka domestic helper sa Kuwait ang akon asawa mga bestfriends. Bag-o pa lang siya naglakat sa didto.
Natingala lang ako nga wala na siya naga-contact sa amon sang amon mga kabataan.
Ang problema ko mga bestfriends kay may nanugid sa akon nga nagpauli na gali siya diri sa Pilipinas. Nagabusong kuno siya mga apat na ka bulan. Gin-rape kuno siya sang iya amo. Napilitan kuno siya magpauli kay ma-preso siya kung didto siya mabata.
Didto siya naga-istar sa balay sang iya pakaisa. Ginkadtuan ko siya pero ginapanaguan niya ako kag indi siya mag-atubang sa akon tungod nahuya kuno siya.
Ano ang maayo ko nga himuon mga bestfriends?
Yours Truly,
Cedrick
