Yours Truly iFM September 04, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Nagsulat ako sa inyo kay may problema ako nga gusto ko gid pangayuan sang advice sa inyo.
Ako gali si Tess kag nagapuyo diri sa siyudad sang Iloilo.
Ang problema ko mga bestfriends parte sa akon adopted nga six years old na subong. Anak sang akon bestfriend ang akon adopted kag ginbilin niya sa akon ang bata sang one year old pa lang ini. Ginbayaan abi siya sang iya boyfriend kag nagdesisyon siya nga ibilin na lang sa akon ang bata kay indi niya kuno kaya buhi-on.
Gin-approach ako ni mama niya nga hulamon niya kuno ang bata. Pero indi ako magsugot kay basi indi niya pag-ibalik ang bata sa akon. Ga-plano ako nga makadto na lang sa Manila kag ipalayo ang bata sa pamilya sang akon bestfriend.
Ang panagupnop ko nga basi kuhaon gid sang mother sang akon bestfriend kay indi daan legal ang pag-adopt ko sa bata.
Palangga ko gid ang bata mga bestfriends kag palangga man siya sang akon pamilya.
Indi ko kaya nga madula siya sa akon.
Ano ang maayo ko nga himuon?
Kinahanglan ko gid ang inyo advice.
Yours Truly,
Tess
