Yours Truly iFM
September 20, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon sa inyo mga bestfriends kag sa tanan nga mga tagpalamati sang inyo programa.
Tawga niyo lang ako kay Kaloy, 36 years old, soltero kag nagpadala ako sang sulat sa inyo kay may problema ako nga gusto ko tani pangayuan sang advice sa inyo.
Taga-Leganes gali ako mga bestfriends.
May live-in partner ako nga kababata ko man lang kag masobra na kami lima ka tuig nga nagaupdanay.
Ginbulagan ko siya mga bestfriends kay indi ako kasaho sang iya batasan. Pirti sa iya ka tamad kag kasuplada. Only girl lang abi siya kag palangga gid siya sang iya pamilya.
Ang problema ko subong kay ginahingabot ako sang iya amay kag mga utod.
Sang nagligad nga semana, ginbuka nila ang side mirror sang akon motor kag ginpahog pa gid nila ako nga mabalos gid sila sa akon kag may malain gid nga matabo sa akon.
Wala na ako gakumpiyansa kag wala man ako nahadlok pero gakabalaka gid ako kay basi tuuron nila ang ila pamahog sa akon.
Ano ang maayo ko nga himuon?
Yours Truly,
Kaloy
