Yours Truly iFM
September 24, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Bag-o ko suguran sa pagsaysay ang akon sulat, gusto ko kamo tamyawon sang maayong hapon pati na ang tanan nga mga tagpalamati sang inyo programa.
Tawga niyo lang ako kay Josephine mga bestfriends, 36 years old, married kag may isa ka bata.
Seaman ang akon bana kag taga-Manila siya. Didto man kami gaistar sang-una sa Manila sa balay sang iya mga ginikanan pero nag-ayo ako sa iya nga kung puwede diri kami sa Iloilo maistar kay diri ako nakakita sang ubra bilang isa ka maestro sa isa ka public school. Stable na ang akon trabaho mga bestfriends.
Last year, wala na nagapauli ang akon bana sa Iloilo kag wala naman siya naga-communicate kag nagapadala sang sustento sa amon.
Nadiskubrehan ko nga may bag-o na siya nga pamilya sa Manila kag nag-untat na siya gali sakay.
Nag-demand ako sang sustento sa iya pero may condition nga mahatag siya sang sustento pero gusto niya nga pakadtuon ko sa Manila ang bata.
Indi gid ako pabor sa gusto niya nga matabo.
Ano ang maayo ko nga himuon mga bestfriends?
Yours Truly,
Josephine
