Yours Truly iFM
September 25, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Ako gali si Linda kag isa gid ako sa mga tagpalamati sang inyo programa.
Nagpadala ako sang sulat sa inyo kay may problema ako nga gusto ko gid pangayuan sang advice halin sa inyo.
Duha lang kami nga mag-utod sang akon manghod nga babaye kag patay na tanan ang amon mga ginikanan.
Ang problema ko parte sa akon manghod. May duha na siya ka mga kabataan kag lain-lain ang mga amay. Pirmi niya ginabilin sa akon ang iya mga kabataan. Gasalig na lang siya sa akon. Nabudlayan ako kay tindera ako kag amo lang na ang akon pangitan-an.
Subong may bag-o naman siya nga nobyo kag ginakulbaan ako kay basi kung bumusong naman siya. Indi gid ako kumbinsido nga seryoso gid ang lalaki sa iya.
Galibog ang ulo ko kung ano ang himuon ko sa iya kay indi man siya mamati hambalan.
Kinahanglan ko gid ang inyo advice.
Yours Truly,
Linda
