Yours Truly iFM
September 26, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Ako gali si Juvie kag nagsulat ako sa inyo kay may problema ako nga gusto ko tani pangayuan sang advice sa inyo.
50 years old na ako mga bestfriends kag agot ako sa amon lima nga mag-ulutod.
Ang akon mga utod ara tanan sa abroad kag sa akon ginsalig sang akon mga utod ang pag-atipan kay tatay.
Ginapadal-an man si tatay sang akon mga utod kada bulan kag pati man ako bilang suhol ko sa pag-atipan sa iya.
Nabudlayan lang ako kay tatay kay uli-anon na kag ang iya kuwarta ginapanghatag niya sa bisan sin-o nga mga kakilala kag mga amigo niya. Indi man siya magpati sa akon kung sawayon.
Indi man ako gusto nga kontrahon gid siya kay basi atakehon siya sang iya balatian sa kurason kag ako pa ang mabasulan sang akon mga utod.
Ano ang maayo ko nga himuon?
Yours Truly,
Juvie
