Yours Truly iFM
September 27, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon sa inyo tanan mga bestfriends.
Ako gali si Christina kag may problema ako nga daku, rason nga nagpadala ko sang sulat sa inyo.
Ang problema ko parte sa akon anak nga babae. 19 years old pa lang siya pero nag-upod na siya sa iya nobyo kag nagalive-in na sila. Indi tani ako magpasugot pero pinasugtan ko na lang kay pirmi man siya galayas-layas kung akigan ko.
Nakabati ako sang istorya nga ginasakit siya sang iya nobyo labi na kung makainom ini kag mahubog. Kag sang pagbisita ko nakita ko nga kadamo sang iya lagob. Gusto ko siya tani updon pauli ugaling indi siya mag-upod. Indi man siya mag-ako nga ginasakit siya sang iya nobyo.
Gusto ko gid siya bawion.
Ano ang maayo ko nga himuon?
Yours Truly,
Christina
