*Yours Truly iFM*
*September 30, 2020*
*With iDol DJ Kat And iDol Bruno Banana*
*(Photo from web / No Copyright Infringement)*
Dear iFM,
Maayong hapon mga idol!
Nagsulat ako sa inyo mga idol kay indi na ako kabalo kung ano ang himuon ko.
Ako gali si Ronnie, 40 years old, married kag may isa ka bata nga 5 years old.
Ang asawa ko naglakat sa abroad para magtrabaho bilang isa ka domestic helper three years ago. Nagpauli siya last year kag nagtinir sa balay mga isa lang ka semana kag nagbalik naman liwat sa abroad.
Nag-umpisa ang tanan namon nga problema mga idol sang ginbilin niya ang daan niya nga cellphone sa akon. Nalipatan niya erase ang mga pictures nga naka-save sa cellphone niya. Ginkakibot ko gid ang akon nakita kay may mga pictures ang akon asawa upod ang isa ka lalaki kag ka-sweet sa ila kag nagahalukanay pa.
Daw malupok ang akon dughan sa kasakit sang mga nakita ko mga idol. Ginprangka ko ang akon asawa kag nag-ako man siya nga karelasyon niya ang lalaki kag dugay na kuno sila nagbulagay.
Sa kalain sang buot ko, gin-search ko gid ang lalaki kag naka-communicate ako sa iya.
Ang masakit kay imbes mangayo siya pasaylo sa akon, insulto kag pagpakanubo ang nabaton ko halin sa iya.
Sa subong ato gihapon sa abroad ang akon asawa. Ang masakit pa subong kay kung san-o lang makadumdom magpadala ang akon asawa sang suporta para sa amon bata.
Galikaw ako nga makahimo sang malain mga idol.
Gapangayo gid ako sang inyo bulig.
Yours Truly,
Ronnie
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
