Davao City – Dili ikalimod bisan sa Talikala Inc., usa ka non-government organization (NGO) sa syudad sa Davao nga nagpakabana sa mga kabataan nga base sa report nga ilang nadawat gikan sa mga barangay, mitaas ang ihap sa mga batan-ong babaye nga sayong nabuntis.
Sumala ni Sara Jane Escabarte, Talikala Inc. advocacy officer, base sa ilang monitoring sa mga barangay dunay pagsaka sa ihap sa giingong teenage pregnancy.
Usa sa nakitang hinungdan kung nganong daghang mga batan-ong babaye ang sayong nabuntis tungod usab sa kakulang sa giingong protective dialogue sa iyang ginikanan ug way rason nga basulon sila sa ilang gidangatan.
Tungod niini nga suliran ginahimo karon sa Talikala Inc. mao ang pagpakusog sa community education sa mga kabatan-onan lakip na ang mga ginikanan diha sa kabarangayan aron malikayan ang pagtaas sa kaso sa teenage pregnancy.
RadyoMaN Bernard Pantallon
