Davao City – Padayon karong gibarugan sa Youth for Peace Movement (YFPM) ang ilahang mandato sa pag-awhag sa mga kabatan-onan pinaagi sa pagsubmitar diha ilawom sa gobyerno.
Sa pakighinabi sa DXDC RMN Davao kang Kenneth E. Tagaro, chairperson sa Youth for Peace Eastern Mindanao Council, gibutyag niini nga ilang gina awhag ang mga kabatan-onan nga mamahimong peace-advocates diha sa ilang lokalidad.
“Kami ang mga kabatan-onan nga taliwala sa among pagkabatan-on nagahandum ug naga asoy na nga walay luna gayud ang kagubot ug walay luna kanang ginatawag nga pagpanghaylo sa taga taas aron lamang dad-on ang atong mga kabatan-onan sa kadautan,” saysay ni Tagaro.
Gipasabot usab ni Tagaro nga dili lamang angay isalig sa gobyerno ang hisghutanang pangkalinaw kundili katungdanan kini sa tanan lakip na ang kabatan-onan.
“Kay ang hisgutanang kalinaw katungdanan natong tanan. Dili lang na nato i-asa sa gobyerno. Dili lang nato i-asa kang kapitan, kang presidente, kang mayor kundili katungdanan nato isip mamumuo ning nasud Pilipinhon,” dugang ni Tagaro.
Nasayran nga pipila sa mga tumong sa nahisgutang organisasyon mao ang pagpartisipar sa mga aktibidad diha sa Local Government Unit (LGU) partikular na alang sa kaayohan sa youth sector diin aduna usay ginapahigayon ang organisasyon nga ginatawag nga Youth Leadership Summit nga abri alang sa tanan.
RadyoMaN Kirby Manzon
