Davao City – Usa sa nakitang hinungdan kung nganong daghan gihapong mga batan-on nga nahilambigit sa krimen sama sa giingong paglugos sa 14 anyos nga dalagita ug ang suspect iyang ig-agaw nga 16 anyos sa syudad sa Tagum tungod sa pornograpiya.
Base sa mga pagtoon ug pagsusi sa Talikala Inc., usa ka non-government organization nga nagpakabana sa katungod sa mga kabataan ug babaye, sobrang exposure sila sa pornograpiya, pasundayag sa telebisyon nga walay nagpasabot kanila ug kakulang sa kasayuran sa ilang mga katungod.
Sumala ni Jeaneth Ampog, Talikala Inc. Executive Director, kini maoy ilang nakitang mga hinungdan nga dapat aksyonan sa gobyerno aron malikay ang kabataan sa bisan unsang salaud.
Gipasabot ni Ampog nga gikinahanglang pasabton ang kabataan sa ilang mga katungod ug dili ibutang sa sitwasyon nga maka-engganyo nila sa paghimo og dautang buhat ingon man tudloan sila sa mga hamtong sa mga maayong pamatasan.
RadyoMaN Bernard Pantallon
