Davao City – Gidasig ang mga kabatan-onan sa Rehiyon Onse nga gamiton ang ilang katungod sa mobotar ingon man magpapili karong umaabot nga Barangay ug Sangguniang Kabataan (SK) elections.
Kini ang gipamahayag ni Department of Interior and Local Government (DILG-XI) assistant regional director Wilhelm M. Suyko, CESO IV atol sa gipahigayong Kapehan sa Dabaw karong adlawa kinsa nagpasabot nga dakong kontribusyon kini sa paglambo sa nasud Pilipinas ang pagboto sa scheduled May 14 elections.
Gitataw ni Suyko, gikinahanglan nga tarong, maayo ug masaligan ang usa ka public official sa usa ka barangay kinsa suportado ang kampanya sa Duterte Administration kontra kurapsyon, illegal drugs ug kriminalidad.
Dugang sa assistant regional director, karon ang labing unang eleksyon nga 15 hangtod 30 anyos ang makaboto sa SK eleksyon ug 18 hangtod 24 anyos ang pwedeng makadagan.
Base sa ilang datos, aduna nay 1, 162 ka mga barangay sa Region 11 diin kapin 3.7 million ang botante ug 974, 919 niini ang botante sa SK.
RadyoMaN Jason Amisola
