Walay dinagkong panghitabo karon nga natala sa kapulisan sa mga nagkadaiyang kalungsuran sakop ning atong probinsya sa Zamboanga del norte nga maka pahulga sa kahapsay ug kalinaw.
Gawas lamang sa mga petty crimes nga natala sa ilang blotter books, apan dili kini angay kabalak-an sa mga yanong lungsuranon.
Hinuon, naka alerto sa gihapon ang sakop sa PNP dinhi sa atong probinsya aron sa pagbantay sa posibleng pagsulod sa mga adunay dautang mga plano nga buot isabwag dinhi sa atong lugar.
Matag karon ug unya kanunayng silang nagapahigayon ug checkpoint sa ilang tagsa-tagsa ka mga area of responsibility sama nalang sa mga pribadong sakyanan ug mga PUV, aron sa ingon masiguro nga luwas ang mga bumabyahe.
Kanunay usab nga nagpahinumdom ang mga kapulisan ngadto sa katawhan nga kung adunay Makita nga kadudahang mga tawo, gilayong itaho ngadto sa ilang buhatan aron dali nga mahatagan ug aksyon.
