Sama kagahapon hapsay gihapon ug malinawon ang tibuok dapit sa probinsya sa Zamboanga del norte tungod kay walay dagko nga panghitabo ang natala sa buhatan sa kapulisan sa matag lungsod sulod sa 24 oras ang takna.
Kini ang ika pasigarbo sa PNP Zamboanga del norte tungod kay ilang na mentinar ang kahapsay ug kalinaw sa ilang area of responsibility para magpabiling luwas ang katawhan ug walay angay kahadlokan tungod sa siguridad nga ginahimo sa PNP Zamboanga del norte sa pangpanguna ni Acting Zamboanga del norte Provincial Director PSSUPT Michael B. Macapagal.
Hugot karon ang pagpatuman ug mga check point sa matag kalungsuran sakop ning probinsya aron masiguro nga walay makasulod gawas sa atong probinsya nga adunay mga dili maayong plano nga pagahimoon kun anaa man ugaling.
Ilabi na nga pipili nalang kaadlaw mo abot na ang dakong kalihukan sa probinsya nga mao ang SAULOG 2018 nga kun diin paghinumdon kini sukad nga nahimugso ang Zamboanga del norte sulod sa 66 ka tuig.
Nanawagan usab ang PNP-ZDN nga dili gihapon mo kompyansa matag karon ug unay kinahanglan gihapon nga mag ma igmat ug daling I taho sa kapulisan kun adunay makita nga mag kadudahang lihok sa usa ka indibidwal.
Sa nahimong mensahe ni PD Macapagal niadtong adlawng lunes atol sa flag ceremony matod niya “We will make and continue this very nice, beautiful province a safe place to live and do business”
