![BrgySicayabPNP_ProvincialOffice090304_02](https://i0.wp.com/rmn.ph/wp-content/uploads/2018/08/BrgySicayabPNP_ProvincialOffice090304_02.jpg?resize=600%2C386&ssl=1)
Ang Zamboanga del Norte Police Provincial Office (ZNPPO) Camp Hamac, Sicayab, Dipolog City ubos sa pagdumala ni Acting Provincial Director PSSUPT MICHAEL BERNABE MACAPAGAL mupahigayon sa tinuig ug hini-usang pagcelebrar sa ika 117th nga Police Service Anniversary kon (PSAC), kining maong kalihokan ipahigayon karong adlawa Agosto 25, 2018 ning bulana.
Magsugod sa may Alas 8:00 ang takna sa buntag taman alas 5:00 ang takna sa hapon ug kini ipahigayon sa Ground Floor Lobby sa bag – ong gibuksan nga CITYMALL nga anaa nahimutang sa National Highway Barangay Sta. Felomina ning dakbayan sa Dipolog.
Kining tibuok adlaw nga kalihokan sa Philippine National Police mupahigayon ug pasundayag nga magalangkob sa (Static Display ) magpakita sa mga nagka lainlaing mga kagamitan diha sa natad sa pag pamamulis sama sa Armas, Jetski, motorsiklo ug uban pa.
Dugang sa maong kalihokan ipahigayon usab ang pagpang hatag sa mga info materials sama sa leaflets, flyers aron pagsabwag sa maayong impormasyon diha sa mga katawhan. Dungan usab niini ipahigayon ang Gender Advocacy and Development seminars, lectures sa Anti-Illegal Drugs, Cyber Crime ug Anti-Terrorism.
Ipahigayon usab ang PNP Photo Exhibit, 2NDBlood Letting activity nga bukas alang sa tanang katawhan nga modonar sa dugo ug kini giayudahan sa mga personahe sa Corazon C. Aquino Hospital.
Dugang pa, mopakita usab ug gilas ang mga talentadong kapolisan diha sa natad sa pagsayaw ug pagawit.
Sumpay niini Ipahigayon usab ang pinaka paborito sa tanan nga pasundayag o ( Ramp Modeling) sa mga personahe sa PNP diha sa pagpakita sa klase – klaseng mga uniporme nga gipanggamit karon sa mga personahe sa kapolisan.
Busa, giawhag ang tanang katawhan sa tibook probinsya sa Zamboanga del Norte nga moadto aron sa pagsaksi sa maong kalihokan./ZNPPO