Zamboangadel Sur –Subli nausab nga nadipensahan sa Zamboanga del Sur delegation ang titulo nga gihuptan isip kampeyon sa tulo ka managsunod nga tuig.
Sa natapos nga 2017 Zamboanga Peninsula Regional Athletic Association Meet, naangkon pa gihapon sa Zamboanga del Sur team ang kadaugan sa Elementary ug Secondary Level ug maona kini ang ikaupat nga higayon.
Sa susamang higayon na mentenar gihapon sa Zamboanga City Delegation ang unang dapit o 1st placer sa nasangpit nga kalihukan.
Ania ang han-ay sa elementary level;
Champion- Zamboanga Del Sur
1st- Zamboanga City
2nd – Dipolog City
3rd – Isabela City
4th – Pagadian City
5th – Zamboanga Del Norte
6th – Dapitan City
7th – ZamboangaSibugay
Sa secondary level mao usab kini ang mga nag madaugon;
Champion- Zamboanga Del Sur
1st- Zamboanga City
2nd – Pagadian City
3rd – Zamboanga Del Norte
4th – Dipolog City
5th – ZamboangaSibugay
6th – Isabela City
7th – Dapitan City
Gitapos ang kalihukan pinaagi sa usa ka awarding ceremony nga gipahigayon sa Zamboanga Del Sur Provincial Stage, Sports Complex, Dao, Pagadian City ug sa mensahi ni Zamboanga Del Sur Governor Antonio “Tony” Cerilles iyang gipasalamatan ang tanang mga kawani sa Department of Education Region-9, mga atleta ug tanan nga nag lihok sa ZPRAA nga kini ang nagmalapuson.
Kahinumduman nga niadtong tuig 2012 gimugna sa Provincial Government ang Zamboanga del Sur Sports Academy isip training center sa mga atleta sa lalawigan ug mao kini ang pinakaunang Sports Academy sa Pilipinas nga gidumala sa Probinsya.
Ang sunod ZPRAA ang nakatakda nga ipahigayon sa Sindangan, Zamboanga Del Norte sa umaabot December 2018.
(c) Zamboanga del sur Provincial Press Bureau
