Zamboanga del Sur – Subling gipatin-aw sa Provincial Health Officials nga negatibo sa kaso sa 2019 Novel Corona Virus Accute Respiratory Disease kun 2019 NcoV-ARD sa Zamboanga del Sur apan bisan paman niana wala magkompyansa ang mga health experts sa probinsya.
Sa Programang KAPIHAN SA DXPR nga gidumala sa Philippine Information Agency (PIA-Zamboanga Peninsula) gibutyag ni Dr. Natz Cagampang ang OIC sa Zambaoanga del Sur Medical Center nga hitsas na ang mga kagamitan ug personahe nga maoy mo-atiman kun ugaling dunay ikataho nga person under investigation kun PUIs.
Sigon ni Dr. Cagampang dihang nakatumbok na og Quarantine Areas ang kadumalahan sa Zamboanga del Sur Medical Center pinaagi usab sa pag-aproba sa provincial government nakaumol dayon sila og core group kun team nga gitahasan sa pag-atiman sa moabot nga pasyente sa 2019 NcoV-ARD.
Sumala ni Dr. Cagampang, duna nay mga doctors, Nurses, Ambulance ug driver sa sakyanan nga ilang gi-andam.
Gibutyag usab Dahlia Aseniero, Health Education and Promotion Officer (HEPO) of the Integrated Provincial Health Unit (IPHO) nga bisan dunay lima ka persons under monitoring kun PUMs sa probinsya dili kini angay ika-hadlok.
