Zamboanga del Sur – Nisumite na og sulat hangyo ang kadumalahan sa Zamboanga del Sur Medical Center Molecular Laboratory ngadto sa Department of Health (DOH) aron pagpangayo dugang gamit alang sa swab testing.
Sa interview sa RMN-DXPR Pagadian kang Dr. Anatalio Cagampang, Hepe sa ZDSMC posible nga makunhuran pa ang balayranan sa pagpaswabtest kun ugaling mohatag ang DOH National og mga PPEs ug uban pang equipment.
Sa pagkakaron mokabat sa 5, 195.85 ang bayad sa pagpaswab ug pagproseso niini apan ang 3, 409 abagahon sa Philhealth Regional Office ug ang nibilin nga 1, 786.85 mao ang abagahon sa pasyente. Hinoon ang nagpositibo nga anaa na admit sa ospital libre ang swabtest niini lakip na ang iyang watcher.
Facebook Comments
