Pagadian City – Nadugangan ug tulo ang mga nagpositibo sa COVID-19 dinhi sa probinsya sa Zamboanga del Sur base sa anunsyo sa Integrated Provincial Health Office (IPHO) kagahapong adlawa.
Ang mga nagpositibo pulos mga Locally Stranded Individuals (LSI’s) nga residente sa lungsod sa Lakewood, Dumingag ug Lapuyan.
Unang nagpositibo ang 26 anyos nga lalaki nga taga Lakewood. Adunay travel history sa Malab0n city. Nahimong IgM reactive dihang midangat dinhi sa probinsya.
Ikaduha mao ang 53 anyos nga lalaki nga taga barangay Dulop, nga sakop sa lungsod sa Dumingag. Adunay travel history sa Makati City.
Ug ang ikatulong nagpositibo sa COVID 19 mao ang 54 anyos nga lalaki nga taga Lapuyan. Adunay travel history sa Manila.
Ang tulo ka mga LSI nga nagpositibo pulos naka isolate ug mga assymptomatic kon walay mga sintomas.
Kini na ang ika 21 nga natalang kompirmadong kaso sa COVID 19 dinhi sa Zamboanga del Sur.
