Zamboanga del Sur pabiling ipailalom sa Alert Level 2

46

Zamboanga del Sur – Magpabilin gihapon sa Alert Level 2 ang tibuok probinsya sa Zamboanga del Sur sugod karong adlawa hangtod Disyembre 15 ning tuiga.
Subay kini sa giaprubahang bag-ong Alert Level sa Inter-Agency Task Force.
Tungod niini, magpabilin sa 50 percent capacity ang tugutan sa mga restaurants ug malls nga musolud bakunado man o dili.
Susamang allowed capacity usab ang tugutan sa mga venue sa meetings, incentives, conferences ug exhibitions; venues alang sa social events; visitor o tourist attractions, sama sa mga parke ug public gardens ug amusement parks; recreational venues, nga gilangkuban sa internet cafes ug amusement arcades; relihiyoso nga tigum ug serbisyo sama sa mga haya.
Magpabilin usab nga voluntary ang pagsul-ob og face shield tungod sa Alert Level 2 status sa probinsya apan ginatun-an sa National IATF nga ibalik ang mandatory usage niini tungod sa hulga sa Omicron variant sa COVID-19.

Facebook Comments