Agusan Sur-(photo courtesy of Richard grande) Gikan sa pamilya nga mga public servants sa lalawigan sa Zamboanga del Sur, si Police Senior Supt Marlou Martinez mao na ang bag-ong provincial director sa Agusan del Sur Police Provincial Office.
Gihimo ang turn over ceremony didto sa Datu Lipos Macapandug Social Hall, sa Provincial Camp sa brgy. Patin-ay, Prosperidad, Agusan del Sur.
Nibiya na sa katungdanan si PSSupt. Joseph Plaza ug gihulipan siya ni PSSupt. Marlou Martinez isip acting Police Provincial Director sa Agusan del Sur Police Provincial Office.
Si Colonel Martinez map ang kanhi chief sa Regional Intelligence Division sa PRO 13.
Mismo si PNP Caraga Regional Director PCSupt. Rolando Felix, ang nag-preside sa turn over ceremony nga sinaksihan sa tanang hepe sa kapulisan sa mga kalungsuran, tropa sa Provincial Public Safety Company (PPSC), Board Member Edilberto Bastarichi, Sta Josefa Mayor Symond Caguiat ug Trento Mayor Wilson Calvez.
Si PSSupt. Plaza ang gikatahung mabalhin sa Police Regional Office (PRO 13), Camp Rafael Rodriguez, brgy. Libertad ning syudad sa Butuan.
