Pormedio del Investment Management Contract (IMC) hay fuede mejora el Zamboanga City Electric Cooperative con el diila servicio para con el mga vivientes aserca el dalida del 24/7 supply de coriente na entero ciudad.
Este en tiempo si opera ya el ZAMCELCO bajo na administrasyon del bien prominente y numero uno power company na paiz, el MERALCO.
Na entrevista del RMN Zamboanga enantes aga con el antes General Manager del NAPOCOR Engr. Ruben Conti, ele ya abla cay base na mga detalyes del estado financial y el presente manejada del cooperativa, daw bien tormento ya fuede levanta el ZAMCELCO, sin suporta del un privado compania que necesita pone bilyones de fondo para fuede paga debe, beneficio y mga arquiler del cooperative.
Si Engr. Conti ya abla cay presentamente, ta alcansa para na 23% el systems loss del ZAMCELCO, donde cumbiene hasta 13% lang era el ta tolera el National Electrification Commission (ERC).
Asegun conele, que bien necesita gayot apura el cooperative con el take-over del MERALCO, para fuede ya sustene con el presente Sistema y subi el category del cooperative como un power transmission company. – *Bhong Simbajon/RMN News*
