El SWAT Team of Zamboanga Del Norte Provincial Mobile Company (ZDNPMFC) amo el ya sale ganador na primer conducta del Police Regional Office 9 (PRO-9) SWAT Challenge/Competition que ya conduci del anti-ayer na Execom Shooting Range y na Regional Mobile Forces Company Firing Range, locao na Camp Col. Romeo Abendan, Mercedes en este ciudad.
El Zamboanga Del Norte Provincial Mobile Company ya fuede obtene total 1, 650 statistical points na cingco (5) stages course del fire securing por el primer fuesto donde ya perde canila el SWAT team del Zamboanga Del Sur Provincial Mobile Company (2nd place), Zamboanga City Mobile Force Company (3rd place), Regional Mobile Forces Battalion (4th place), Dipolog City Police Station (5th place) y el Zamboanga Sibugay Provincial Mobile Company (6th place).
El dos dias SWAT shooting competition ya encaveza el PNP Match Officers bajo na supervicion del Philippine Shooters and Match Officers Confederation (PSMOC) donde chene este cingco (5) stages course of fire, como el : Stage 1 (Basic), Stage 2 (Close Quarter Battle), Stage 3 (Bus Assault), Stage 4 (Obstacle) and Stage 5 (Pistol).
El ZANORTE SWAT team ta composite canda Police Senior Inspector Gregorio Joel C Bungulan, SPO1 Ernesto D Bulajao Jr., PO3 Kitch Ivan A Gesulga, PO2 Dino G Latawan, PO2 Armand T Moncida, PO2 Jose Alfred V Bait-it, PO2 Carl Edward C Panoril, PO1 Dover Troy T Aleta, PO1 Eric Q Panangitan y PO1 Mark Medard B Balingit, quien amo hay representa con el SWAT team del Police Regional Office 9 (PRO-9) na venedero Chief, PNP National SWAT Challenge que hay conduci na Maa, Davao City na Marso 1-3, 2018. – *Bhong Simbajon/RMN News*
