El City Disaster Risk Reduction Management Office (ZCDRRMO) ya manda serra temporariamente con el porcion del camino del by-pass road locao na Barangay Guisao porcausa con el cuantos defecto ya fuede nota na fuente del Culianan.
Asegun con el hefe del ZCCDRRMO Dr. Elmeir Apolinario, necesita sila hace el mensyonao recomendaccion por el aseguramiento de esta lejos na peligro el mga motorista que ta utiliza con el mensyonao camino.
Si Apolinario ya abla cay necesita anay pone atenccion technical el contractor del DPWH quien encargao na construccion del tal fuente antea coneste abri otraves na publico.
Ta dale aviso el CDRRMO con el publico para desaleja anay con el pasada na mensyonao fuente para evita desgrasya o accidente vehicular.- BHONG SIMBAJON/RMN NEWS
