Ya anuncia el el hefe del ZCDRRMO Dr. Elmeir Apolinario na RMN que ta pidi le el cooperaccion del mga respectivo Barangay Disaster Risk Reduction Management Council con el su orden para alerta 24/7 con el diila cada cualan emergency response teams na barangay.
Este porcausa cay hinde pa syempre ta descansa el fuerte aguasero, lo mismo el avenida y grande-grande marihada na deferentes barangay del ciudad.
Asegun con Apolinario, necesita reporta insiguidas na su oficina el tal barangay que afectao na presente calamidad para fuede responde insiguidas el su mga personajes para man-rescue canila.
Apelo de Apolinario con el mga BDRRMC para asegura cay sierto sila na diila trabajo y monitoring del diila cada cualan mga barangay. – *Bhong Simbajon/RMN News*
