Davao City – Paningkamutan sa Philippine National Police (PNP) nga maangkon ang ‘zero crime incidence’ ilabi na kalabutan sa indiscriminate firing atol sa selebrasyon sa Pasko ug Bag-ong Tuig.
Sumala ni Police Regional Office (PRO-XI) Spokesperson Chief Insp. Jason Baria, dunay memorandum sa matag police station nga gidili ang pag-inum sa bino sa mga Christmas Party ug mamahimong responsable sa paggamit sa ilang mga armas.
Giklaro ni Baria nga way gitugotan nga magpabuto sa ilang pusil kung walay kalabutan sa ilang trabaho aron malikayan ang indiscriminate firing ug walay maigo sa saag nga bala.
Gitataw ni Baria nga wala usab sila mikompiyansa karong panahona ilabi na sa mga NPA nga mamahimong mangataki bisan unsang orasa.
RadyoMaN Bernard Pantallon
RadyoMaN Bernard Pantallon
