Davao City – Malampuson ug luwas nga nahuman ang Damosa Land 5150 Samal Triathlon 2025 uban sa hugot nga pagbantay sa mga otoridad, staff, ug koordinasyon sa Coast Guard Station (CGS) IGACOS ubos sa pagpanguna ni LT Jason S. Lavadia, PCG.
Ang prestihiyosong multi-sport event nga gipahigayon sa Bridgeport, Brgy. Caliclic, Babak District, gisalmutan sa kapin 1,100 ka partisipante gikan sa lain-laing dapit sa kalibutan ug sa tibuok Pilipinas.
Gideploy sa PCG ang ilang mga water assets, lain-laing unit, ug mga personnel aron masiguro ang kahapsay ug kaluwasan sa tanang atleta atol sa swimming nga kompetisyon.
Matod pa sa CGS IGACOS, walay nareport nga insidente hangtod sa pagtapos sa triathlon, nga nagpamatuod sa ilang tinud-anay nga paningkamot sa pagpanalipod sa seguridad dili lamang sa dagat, apan lakip na usab sa mga kalihokan sa komunidad. Kini usab nagpalig-on sa dungog sa Samal Island isip usa sa mga nangunang tourist destination sa nasud.
RadyoMaN Kareen Beltran
Facebook Comments
