Davao City- Gitinguha ni newly appointed Task Force Davao commander Col. Nolasco Mempin nga ‘zero terrorism incidence’ ang mabatonan sa syudad sa Davao ubos sa iyang liderato.
Segun ni Mempin nga andam siya sa hagit ni Davao City Mayor Inday Sara Duterte nga seguraduhon nga magpabiling luwas ug magmalinawon ang entero syudad.
“I think part of being a soldier is to ensure first the safety and protection of the people before your own personal comfort or convenience. Our sworn duty is to serve the people and the state, we are even willing to give up for the service.”
Una niini, gihagit ni Davao City Mayor Inday Sara Duterte-Carpio atol sa iyang speech sa change of command ceremony si Mempin nga paningkamutan nga matuman sa husto ang iyahang mandato isip hepe sa TF Davao.
“I did not recommend you Col. Mempin, you were recommended by someone else, I was the one who vetted you. Isa lang ang idagdag ko sa huwag matulog, huwag huminga . . . huwag mo akong ipahiya kasi ako ang nag-vet sa iyo,” segun ni Mayor Duterte.
Gibutyag ni Mempin nga mapasalamaton siya kang Mayor Sara gumikan sa pagpaluyo sa iyang katudloan isip pangulo sa TF Davao.
Gipasalig usab ni Mempin nga pakusgan pa ang intelligence monitoring ug palapdan ang security network uban sa tanan nga mga stake holders aron maseguro nga luwas ang syudad gikan sa tanang mga hulga.
Kasamang Aimee Guinita
