Gikampanya karon sa mga environmental advoates ang pagpamenos sa sa mga basura human sa mga kalihukan sa Sinulog .
Ang founder sa Basura Run og 5pcs Daily Habit nga si Tony Galon nibutyag nga ilang gidasig karon ang mga deboto ni Senior Sto Niño ug ang ubang mosaksi sa mga kalihukan sa Sinulog ilabi na sa Grand Parade karong Dominggo nga magda ug kaugalingong tumbler o reusable bottle aron di magsigi ug pamalit ug mga bottled water ug ipanglabay lang bisan asa ang ilang basiyo inig kahuman .
Matud ni galon sa niaging Sinulog 2018 , niabot sa 219 ka toneladang basura ang nahipos sa mga street cleaners , diin kadaghanan niini mga basiyo sa bottled water .
Subay niini matud ni Galon gawas nga makadaginot sa gasto ang usa ka indibiduwal sa pagsigi ug palit ug bottled water kamenosan usab ilabi na ang mga plastic nga basura sa kadaanan .
Ang ilang kampanya gitawag ug Pit Senyor o Plastic Iwas Trash nga ilang gipahaum sa Sinulog .
Gitumbok ni Galon nga adunay water station nga ibutang ang Metro Cebu Water District ruta sa sinulog hinungdan nga mahimo rang morefill ang publiko sa ilang dalhon nga tumbler ug reusdable bottle .
Ang 5pcs Daily Habit mao ang kampanya sa grupo sa pagpunit ug mga basura sa kadalanan kada adlaw .
Ang grupo nakig-alayon usab sa Cebu City Environment and Natural Resourdes Office kon CCENRO alang sa kampanya pagpamenos sa mga basura human sa mga kalihukan sa Sinulog .
